L'Academia de la Llingua entama les xornaes de Llingua y Lliteratura nes Aules

L'Academia de la Llingua Asturiana celebra dende esta tarde la X edición del alcuentru Internacional Llingua Minoritaria y Educación "Llingua y Lliteratura nes Aules", que se celebra
na Escuela Universitaria de Maxisteriu (cai Aniceto Sela). La primer charra, a la que tamién va asistir el Conseyeru d'Educación Jesús Iglesias Riopedre, va dala a les 18:00h el llingüista de la Universidá de Montpellier Henry Doyer, que va esponer la conferencia "Llingües minoritaries, conflictos llingüísticos y polítiques llingüístiques educatives". La xornada de güei sigue cola comunicación de Mª. Lluz Pontón entitulada Los conteníos de Llingua Asturiana: ente la tradición y l'anovación y remataa les siete y media cola conferencia de Vicente García Oliva "Lliteratura infantil y xuvenil y educación: delles reflexones dende la práutica".


El xueves 25 los ponentes van ser Evaristo Ovide, que va falar sobre l'Emplegu de les nueves teunoloxíes na enseñanza del asturianu, Marta Mori, cola comunicación "Tratamientu metodolóxicu de la llingua oral na Educación Secundaria" y el catalán Antonio Mendoza, que va falar de la Importancia de los materiales lliterarios nel deprendizax d'una llingua minoritaria.

David Lasagabaster, de la Euskal Herriko Unibersitatea entama laxornada del vienres 26 cola ponencia "Deprendizax de la llingua minoritaria y la estranxera: ¿dos compañía, tres multitú?". La comunicación del portugués Carlos Ferreira sobre la enseñanza del mirandés y la conferencia: Joaquin Arnau, de la Universitat de Barcelona, sobre "Enseñanza de la llingua minoritaria al traviés de les materies del currículu" echen el piesllu a estes X Xornaes