L'Academia de la Llingua denuncia la situación de la escolarización

El vienres pasáu, l'Academia de la Llingua Asturiana tuvo una xunta colos sindicatos de la enseñanza y con asociaciones pa ver d'entamar una respuesta a la situación de la escolarización de la nuestra llingua, que pa esti cursu que vien presenta unes perspectives de llaceria, como demuestren les estadístiques, que dan un númberu cada añu más menguáu de neños y neñes que garren l'asignatura d'asturianu.L'Academia, institución que tien ente los sos mandaos estatutarios el de curiar polos derechos llingüísticos de los ciudadanos d'Asturies, califica la situación de "retrocesu" y carga la responsabilidá esclusiva d'ello al Gobiernu del Principáu.
Amás de criticar la situación xeneral del asturianu nel sistema educativu asturianu, l'Academia señaló dellos puntos puntos concretos, ente los que destaquen, no acdémico, la negación del Área de Llingua Asturiana en Primaria y Secundaria y que nun se se dea l'estatus d'optatividá, en cuenta del actual de voluntariedá, en Secundaria. No llaboral, l'Academia solliñó que la inesistencia del católogu de puestos de trabayu fai imposibles los concursos de tresllaos por llingua asturiana. Yá pa rematar, la institución llingüística nun pudo facer menos que sumase a les crítiques que vien recibiendo la inoperante llei d'usu del asturianu. En concreto, l'ALLA remembró que ta ensin desarrollase llegalmente l'apartáu dedicáu a Enseñanza de la nomada Llei d'Usu.

Contador Estadistiques