La XVI Fiesta de la Sidra va repartir en Xixón más de 210.000 llitros

Xixón celebra esti fin de selmana la Fiesta de la Sidra, que llega con esta a la so XVI edición. 25 llagareros van participar nel acontecimientu, que va desarrollase nel cai de Fomentu, onde van tar los puiestos del mercáu y la Plaza Mayor, y nel que va facese homenaxe al llagareru Luis Foncueva.

La fiesta entama esti vienres col concursu d'echadores que va entamar a les 5 na Plaza l'Ayuntamientu. Esi mesmu día, na la playa de Poniente va entamar a les 7 el récord d'echar sidra, nel que quier pasase la marca de les 5.108 persones del añu pasáu. El vasu hai que llevalu de casa, según esplicó'l conceyal José Manuel Sariego, mientres que la botella va ponela'l conceyu. La fiesta va siguir de sábadu, faciéndose a les 21:00h el conciertu de cantares de chigre, cola collaboración del Orfeón de Xixón y la participación del públicu. Yá'l domingu, xunto cola entrega del premiu del tonel d'oru al llagareru Luis Foncueva, y el premiu del eloxu d'oru al llagareru Mariano Norniella, de Sidra Huerces, va entamar la preba de baldre de la sidra. Los puestos van abrir de 12 a 2 y de 6 de la tarde hasta que toque echar el piesllu, que va poner la banda de gaites Villa de Xixón dende les 20.30 h.