La Xunta Xeneral va nomar esti miércoles a los sos dos senadores

El Plenu de la Xunta Xeneral d’esti miércoles va servir pa escoyer a los dos senadores que-y correspuenden. Éstos van ser, con casi toda probabilidá, Isidro Martínez Oblanca (FAC) y Javier Fernández (PSOE).
 
La sesión plenaria va principiar a las 12.30 hores y nél, amás de la seleición de los dos senadores, tamién va tratase la eleición de los trés miembros del Parllamentu nel Conseyu d’Alministración d’Hunosa. Amás, tán dientro del orde del día’l dictame de la Comisión de Reglamentu sobre incompatibilidaes de los Diputaos de la Xunta Xeneral, y el de la Comisión de Reglamentu sobre incompatibilidaes de los dos senadores que debe designar el Parllamentu asturianu.
 
D’igual forma, mañana va tratase nel Plenu la tresmisión de cuentes de los asuntos trataos pola Diputación Permanente; la propuesta de la Mesa de la Cámara de tramitación en llectura única de la proposición de los grupos parllamentarios socialista, poopular y d’Izquierda Xunida-Los Verdes d’Asturies de modificación del artículo 22.6 del Reglamentu de la Xunta Xeneral; y la tramitación, caso d’aprobarse la propuesta de la Mesa de la Cámara, en llectura única de la proposición de los tres grupos parllamentarios na oposición de modificación del artículu 22.6 del Reglamentu de la Xunta Xeneral.