Día del Llibru Asturianu

La Xunta sorraya que’l premiu Andrés Solar nun ye pa la TPA

|

Ayeri la RTPA difundió una nota de prensa na que se felicitaba por ser la ganadora del Pegollu de los XXVI Premios Andrés Solar. La Xunta pola Defensa de la Llingua Asturiana ta acabantes de desmentir esa información.

Dende la Xunta sorrayen que nel acta del xuráu esprésase con toa claridá que los receptores del Pegollu son “la idea orixinal, la presentación y l'equipu técnicu que fai posible'l programa Camín de cantares”, pero non la TPA.

Dende’l colectivu prollingua opinen que la difusión del programa pa la TPA “nun ye más qu’un mal necesariu pa ellos” y recuerden que José Ramón Pérez Ornia, director de la RTPA, yá recibió’l Madreñazu nel 2006 “pol so llabor d'incumplimientu de la llegalidá en materia llingüistica”.

Rectificación
“Camín de cantares, como'l restu de la mínima programación qu'hai n'asturianu, ye una isla dientro de la parrilla de la TPA”, acaba’l comunicáu de la Xunta, que tamién esixe “la rectificación de los sesgos y errores de la información mentada, y l’emplazamientu al Ente a que cubra l'actu del sábadu, onde va poder contrastar de veres les sos noticies”.
 

 

Comentarios

L'unicu  que la tpa merita, ye un madreñazu neles ñarices de los directores.Tan dando la zacadiella a tou lo ASTURIANU, faciendo lo quel gobiernu diz!!!
Que non se allaben col meritu de otros ,que trabayen pa ASTURIES y con la discriminacion que facen de la nuesa LLINGUA!!!

Contador Estadistiques