<P>La Xunta protesta na visita de Zapatero a Asturies</P>

Ente la nómina de colectivos qu'aprovecharon la visita del
presidente español José Luís Rodríguez Zapatero,
tamién taba la Xunta Pola Defensa de la Llingua que llevó a la so
famosa Pita al alcuentru col presidente.



Nel día de güei'l presidente español José
Luís Rodríguez Zapatero ta visitando Asturies con una axenda
atacada d'actos y visites. La mañana entamó con un conceyu de
trabayu nel edificiu de presidencia del Principáu a eso de 11:45 hores.
Ellí, esperando la llegada del presidente, s'alcontraba'l colectivu
d'albeitres, amás d'unos vecinos de Llatores coles sos revindicaciones
alrodiu de la fechura d'un enllace na carretera. Darréu d'esta
reunión, la comitiva del presidente echo a andar hasta les obres del
nuevu hospital central d'Asturies. Ellí s'alcontraben los militantes de
la Xunta pola Defensa de la Llingua xunta otra protesta del Sindicatu
Unificáu de Policies. Los controles policiales y y la rapidez cola que
pasaba la comitiva fizo del too imposible que los militantes de la xunta
pudieren averase muncho al presidente Zapatero, y namás que pudieron
glayar al pasu de los coches oficiales les consignes que piden la
oficialidá del asturianu.