La Xunta presenta a "la pita"

La inauguración oficial ayeri del cursu académicu na secundaria asturiana tuvo ayeri una convidada d'escepción na figura de la pita de la Xunta Pola Defensa de la Llingua Asturiana. Les autoridaes presentes nel Institutu Emilio Alarcos de Xixón, cola alcaldesa de Xixón Paz Fernández Felgueroso y el Presidente asturianu Vicente Álvarez Areces al frente, tuvieron qu'escuchar les reivindicaciones de los miembros de la organización cívica, a los que l'equipu de seguridá nun dexaron entrar al recintu educativu. Amás de les pancartes y les conseñes al favor de la oficialidá, la Xunta aprovechó l'actu d'ayeri pa presentar a la pita de la Xunta, un animal de casi metru ochenta d'alto -con persona incorporada dientro'l vistíu- que, anque nun la conviden nin esperen por ella, acompañará al Presidente asturianu en tolos actos oficiales hasta que se declare l'asturianu llingua oficial.

Contador Estadistiques