La Xunta entrega los premios Andrés Solar

La Xunta pola Defensa de la Llingua Asturiana fai esti vienres la entrega de los Premios
Andrés Solar 2002. L'actu va ser el vienres día 13 a les 20:00 de la tarde
nel Salón d'Actos del Centru Municipal de l'Arena de Xixón.

Como siempre, estos premios tienen dos cares, d'una la del Pegollu que vien a
reconocer actitúes positives pa cola llingua asturiana y la so
normalización social, y otra'l "Madreñazu", consistente nuna madreña pintada de purpurina, cola que se
denuncia l' actitú de frentismu pa tolo que representen avances nel
reconocimientu de los derechos llingüísticos de la sociedá asturiano.

Na edición d'esti añu la Xunta quier destacar cola entrega del Pegollu al
empresariu Xosé Sariego Palacio, nel so llabor normalizador nel Conceyu de
Morcín, onde dende va tiempu vien usando la llingua asturiana como mediu
d'espresión del so negociu, el Supermercáu Cá Sariego.

Llamentablemente, la Xunta vese tamién na obligación d'otorgar el
Madreñazu. Nesti casu el "premiáu" ye'l Conceyal del Mediu Rural de Xixón,
Faustino García "Tino Venturo", merecedor del galardón pola so actitú de despreciu manifiestu a la
llingua asturiana, aneciando dende va delles selmanes nuna polémica ensin
xacíu no que cinca a la retulación toponímica de les parroquies del
Conceyu de Xixón.
Tino Venturo, que diz defender la retulación colos topónimos en llingua asturiana, anque depués los rétulos que llanta son un revueltu con abondes formes acastellanaes, llegó a decir que nun podía ponese la toponimia mayos n'asturianu porque la xente "podía perdese".