La Xunta demanda a la Conseyería d'Infraestructures

La Xunta pola Defensa de la Llingua Asturiana punxo ayeri una demanda d'iniciu de recursu contenciosu-alministrativu contra la Conseyería de Fomentu a cuentu de la tema de la señalización de les carreteres, que sigue ensin incluyir los topónimos tradicionales.

Dende xineru de 2.001 la Xunta lleva presentaes más de trescientes denuncies ente la Conseyeria d'Infraestructures pola tema de la retulación de carreteres autonómiques, lo que, según la organización, va contra l'artículu 15 de la Llei d'Usu y Promoción del Asturianu. La Xunta denuncia que hasta agora, la Conseyería nun contestó nenguna d'eses denuncies, y, pa encima, sigue poniendo lletreros nuevos que nun inclúin la toponimia tradicional. L'actitú de la Conseyería llevó a la Xunta a plantegase la vía contencioso-alministrativa, pola que finalmente, acabó metiéndose denuncia.La Xunta pola Defensa de la Llingua denuncia tamién que'l gobiernu de Vicente Álvarez Areces, non sólo nun fai nada por promocionar y protexer la llingua asturiana sinón que nun-y importa incurrir na illegalidá pa siguir atacando cualquier midida que vaya a favor del asturianu y de los derechos llingüísticos de los y les falantes.