La Xunta de Toponimia vuelve al llabor

El Director Xeneral de Promoción Cultural y Política Llingüística, Carlos Madera, presidió la reunión de la Xunta de Toponimia, l'organismu encargáu pol Gobiernu de la revisión de los nomes de llugar d'Asturies p'axustalos a les sos formes tradicionales y que va tratar güei los espedientes toponímicos de los conceyos de Riosa, Morcín y La Ribera, tando prevista una presentación pública de les conclusiones del llabor d'estes Xuntes na que tamién va comparecer el Director de la Oficina de Política Llingüística Ramón d'Andrés. La última reunión de la Xunta nel mes de xunetu enantes de les vacaciones fexere trabayos preliminares nos conceyos de Samartín del Rei Aurelio y de Llaviana, mientres que los últimos espedientes toponímicos yá revisaos dafechu y oficializaos en Conseyu de Gobiernu son los de L.lena, Llangréu y Gozón, que s'asoleyaron en Boletín Oficial del Principáu d'Asturies a mediaos de xunetu.