La Xunta de toponimia trabaya nel primer conceyu del PP

La Xunta de Toponimia del Principáu aconceyó ayeri en Gozón, primer conceyu gobernáu pol PP que pidió la revisión de la so toponimia.

Los miembros del organismu vieron una disposición mui positiva por parte del alcalde popular Salvador Fernández.

La reunión d'ayeri en Conceyu de Gozón valió pa da-y un primer repasu a la llista de topónimos d'esti conceyu del Cabu Peñes y tamién pa da-yos el preste definitivu, yá coles pequeñes amestadures que'estimaron oportunes los respectivos conceyos, a les llistes de topónimos de Llanes, El Franco y el vecín conceyu de Carreño, qu'agora van dir yá pa recibir l'aprobación definitiva en Xunta de Gobiernu del Principáu.

Anque la Xunta de toponimia des de pasu los llistaos de topónimos, ente esto y l'aprobación definitiva en Conseyu de Gobiernu pue trescurrir un tiempu variable, anque los miembros de la Xunta cuenten con que'l procesu alministrativu tome un plazu "razonable".