La Xunta de Toponimia remata l'espediente de Siero

La Xunta Asesora de Toponimia tien yá fecha la propuesta d'espediente colos nomes de llugar del Conceyu de Siero. El conceyu tien agora un plazu máximu de dos meses con esposición pública incluyida hasta'l 10 d'agostu pa facer les alegaciones que-y abulten precises. Dempués d'un intensu trabayu de campu per tol conceyu, que ye'l que tien mayor númberu de nomes de llugar de toa Asturies, la propuesta d'espediente propón delles denominaciones dobles calteniendo la forma tradicional xunto cola forma alteriada o "moderna" como ye'l casu de la Urbanización de La Fresneda, pa la que se propón la doble denominación xunto col nome orixinal del llugar au se llevanta esta urbanización, que ye La Peña´l Gatu. Propónse doble denominación tamién pa Argüelles / Argüeyes, Celles / Ceis, Colloto / Cualloto, Llugones / Lugones y Samartindianes / Anes, mientres que la capital del conceyu pasa a ser La Pola Siero.