La Xunta de Toponimia aconceya nel Nalón

L'organismu de la Conseyería de Cultura encargáu de la revisión de la toponimia oficial del Principáu tien güei una sesión de trabayu doble na que va enfrentase por primer vegada a los espedientes colos nomes de llugar de Samartín del Rei Aurelio y de Llaviana. Ello vien dempués d'una selmana en que s'aprebaron los espedientes toponímicos de L.lena, Llangréu y Gozón en Conseyu de Gobiernu y na que se remataron los trabayos de los espedientes que correspuenden a los conceyos de la comarca de la sidra, na que namás quedaba por facer el de Villaviciosa.