La Xunta consigue que Siero almita l’asturianu

Esti día, la Xunta pola Defensa de la Llingua presentó en rexistru del Ayuntamientu de Siero dos escritos n'asturianu. Énte la negativa del funcionariáu, la teniente d'alcalde (d'IX) emitió un decretu pol que se declara la obligación d'almitir papeles na nuestra llingua, al tiempu que se personaba directamente a facer les xestiones, acompañando a un miembru de la Xunta.
ún de los escritos pide la regularización del usu de la llingua asturiana dientro del conceyu de Siero y l'otru la creación d'un serviciu municipal de normalización llingüística. Entrambes coses tienen posibilidaes de salir p'alantre, desque dientro de los alcuerdos de gobiernu del "tripartitu" el grupu municipal d'Izquierda Xunida incluyó la promoción y normalización del asturianu nel ámbitu del conceyu.