La Vuelta a Asturies tornó con trunfu del vascu Antón

La LVIII Vuelta a Asturies foi pal vascu Igor Antón (Movistar). La ronda ciclista recuperóse con dos etapes tres el parón del añu pasáu y finó con trunfu na cabera del so compañeru Herrada.

Antón, ganador de la primera del sábadu ente Uviéu y La Pola Ḷḷena y ún de los principales favoritos, supo caltener ayeri la ventaya de 14 segundos con Amets Txurruka (Caja Rural-RGA) nel percorríu ente Soto Ribera y Uviéu. Jesús Herrada resultó ganador de la segunda etapa tres ganar nel sprint a un grupu de corredores formáu por Txurruka, Ion Izaguirre (Movistar), Rubén Fernández (Movistar) y el propiu Antón.

El segundu clasificáu na xeneral foi Txurruka, a 12 segundos del de Galdakao, completando el podiu de la ronda asturiana Herrada, a 25 segundos.