La Vuelta a Asturies más curtia arranca esti vienres con una etapa ente Uviéu y Xixón

|

El pelotón de la LVI Vuelta a Asturies-Julio Álvarez 'Mendo' principió esti vienres a dar pedales con una etapa ente Uviéu y Xixón. Esta edición ye la más curtia de los años últimos al celebrar namái trés etapes, incluyida la XLVI Xuba al Naranco.
 
Un total de de dieciséis equipos van participar na prueba entamada pol Club Ciclista Aramo, na que destaca la presencia del ganador de la edición anterior, Javi Moreno (Movistar), que va combatir pa repetir trunfu colos ciclistes Amets Txurruka (Euskalt-Euskadi), David Mancoutie (Cofidis), Beñat Intxausti y Iván Gutiérrez (Movistar). Higinio Fernández va ser l’únicu representante asturianu na ronda. Tres la etada de güei, con llegada en Xixón, mañana van celebrase dos sectores: el primeru dende’l Parque de la Prehistoria (Teberga) hasta’l Centru Cultural Internacional d’Avilés, y, yá pela tarde, una contrarreló individual per Piedrasblancas. Por último, el domingu 29 va tener llugar la XLVI Xuba al Naranco, prueba que queda integrada dientro de la Vuelta a Asturies.
 
Otra manera, la organización de la ronda asturiana continúa ensin respetar la toponimia oficial pese a los pidimientos de la organización Iniciativa pol Asturianu y de la Direición Xeneral de Política Llingüística.

Contador Estadistiques