La vicepresidenta del Gobiernu inauguró'l centru d'atención a les víctimes de la violencia de xéneru

La vicepresidenta primera del Gobiernu inuguró esti domingu en Xixón el Centru Integral d'atención a víctimes de la Violencia de Xéneru. María Teresa Fernández de la Vega inauguró xunto con Vicente Álvares Areces y l'alcaldesa de Xixón Paz Fernández Felgueroso, esti centru que s'anuncia como pioneru y qu'ofrez asistencia personalizada pa la recuperación integral de les víctimes de la violencia de xéneru.

El centru, qu'ocupa una superficie de dalgo más de 5.000 metros cuadraos, dispón de despachos y servicios comunes xunto con 30 apartamentos, cuatro d'ellos adaptaos pa persones con discapacidá, y 12 pisos tutelaos nos que les muyeres víctimes deviolencia, acompañaes polos sos fíos si los tuvieren, van poder beneficiase d'una asaistencia en delles fases asistíes por especialistes pa la so recuperación. L'edificiu cuenta con grandes midíes de seguridá pa la protección de les muyeres agospiaes nel. El centru celebra nestes primeres selmanes d'apertura unes xornaes de puertes abiertes, concertándose les visites al traviés del Institutu Asturianu de la Muyer.