La verdá revelao

Según denunciaron ayeri Izquierda Xunida y el PSOE, diputaos del PP en Congresu español repartieron un demagóxicu montaxe de vídeo sobre l'ataque a Iraq en que, con música de fondo de la película "La llista de Schlinder" salen primero retratos de Hitler y de Sadam Husein, esplicando como los americanos acabaron col primeru y agora quieren llibrar a los iraquinos del segundu. Darreu, el "documental" diz sobre imáxenes de Javier Bardem, el director de cine Pedro Almodovar y otros artistes y políticos qu'un garapiellu de millonarios y perdedores quieren agora que nun se faiga un res por parar al dictador, porque ellos y los partíos a los que representen (con referencies esplícites a PSOE y PP) lo que de verdá faen ye defender a les dictadures, momentu en que salen en pantalla retratos de Stalin y Fidel Castro.


Siempre según IU y PSOE, ún de los unvios de l montaxe vieno d'una cuenta electrónica de la sala de prensa del Congresu, mientres qu'otru vien del corréu electrónico de Patricia Guillot, asistente del senador del PP Esteban González Pons.



L'espíritu d'esti vídeo, que pues descargar equí, concueya abondo cola idega de la candidata popular a l'alcaldía de Xixón, Pilar Fernández Pardo, que dixo l'otru día que l'ataque a Iraq ye pola llibertá, en cuantes que EEUU foi ún país onde les muyeres ganaron el derechu a votar, mientres que "nel islam a les muyeres reprímenles y lleven burka ". Lo dicho, verdá revelao.