La URSS en película

Agora que cumplen diez años de la desapaición de la superpotencia soviética, los sos archivos d'imaxe tan na internet a la disposición del públicu xeneral. Les películes y documentales de los archivos nacionales de la URSS, qu'inclúin más de 38.000 referencies, tan na rede gracies a la iniciativa d'una empresa particular, l'americana Abamedia. El resultáu del proyectu ye'l web Russianarchives, onde les más de les cintes vienen los archivos del Archivu Estatal Fílmicu y Fotográficu de Krasnogorsk, pero qu'axunta tamién delles películes del del Institutu Rusu Hoover, l'Institutu Baikal o l'Axencia RIA-Novosty. Pa poder descargar materiales hai que dase d'alta y contribuyir económicamente, pero l'archivu tien pa descarga pública dellos vídeos curtios con temes que van dende la Segunda Guerra Mundial hasta les imáxenes de Yuri Gagarin en espaciu. Bien de les películes qu'agora puen vese dende equí taben trancaes en archivu en tiempu de la URSS, y había que dar munches vueltes pa tener accesu a elles.

Contador Estadistiques