La Universidá asoleya la so ufierta de cursos de branu

Con cerca de 5.800 places disponibles, la ufierta de Cursos de branu de la Universidá d'Uviéu va poner clas nun total de 19 conceyos asturianos. En total son 116 cursos, dellos especializaos en materies venceyaes a les carreres universitaries pero tamién con bien de cursos abiertos a temes d'actualidá y d'interés xeneral, ente ellos el cine o la llei de dependencia. Dientro de la ufierta de cursos hai tamién ufierta n'asturianu, contándose dientro de los cursos que se presenten los que l'Academia de la llingua organiza en collaboración cola Estensión Universitaria n'Ibias dientro del so programa formativu añal.

L'Asturies Medieval, los videoxuegos o l'actualidá nel mundu del cine son dellos de los cursos que s'ufierten, xunto con otros que van ponese n'inglés sobre estratexes de busca de trabayu y sobre traducción. El plazu d'inscripción entama esti vienresa 11 de mayu, y espúrrese hasta'l 21 de mayu, entamando los cursos na última selmana de xunu y espurriéndose hasta'l mes de setiembre.