La UE mete-y tixera al campu

Depués de conocese ayeri'l datu de qu'Asturies ye la Comunidá del estáu onde más esplotaciones ganaderes dexaron la producción (515) nel marcu d'ayudes al abandonu de l'actividá que tan dexando ermu'l campu asturianu, güei la Unión Europea sorpréndenos cola anuncia d'una nueva reforma de la PAC (Política Agrícola Comunitaria). L'ampliación de la UE hacia l'este apaez como ún de los motivos fundamentales pa que en Bruseles s'atrevan a meter tixera nuna estaya, la d'agricultura, que lleva cerca del 45% de los presupuestos totales de la UE.La nueva reforma recorta les ayudes directes al campu nun 20%, desvinculando de la producción les más de les ayudes directes, menguando l'agricultura intensivo y los escedentes, recortando un 3% tolos años les ayudes hasta llegar al 20% cambio.
La UE defende que con esti recorte va dise hacia un repartu más xustu de les ayudes, argumentando que se quitará más a los que más reciben, pero la Coordinadora Campesina Europea, qu'axunta a 17 organizaciones agraries y rurales d'once países europeos, valora la reforma como una axuste presupuestariu ensin más aquello p'allegar la PAC a los mandatos de la OMC, lloñe de ser una redacción alternativa de l'actual PAC.La PAC subvenciona fuertemente a les grandes esplotaciones, consiguiendo una sobreproducción d'alimentos que se coloquen en mercaos intra y estraeuropeos, dacuando con consecuencies graves como cuando la esportación de lleche a la India baltió les economíes locales de producción de lleche. Enfocada básicamente n'axustar la producción a la llei del mercáu, ún de los sos fracasos ye que'l 80% de les ayudes acaben en manes del 20% de los agricultores, dexenerando nun despoblamientu del campu européu que ye más grave en llugares como Asturies, que nun s'adapten al modelu de producción intensivo, y ello arriendes de qu'un de los oxetivos declaraos de la UE ye diversificar l'actividá económica nel mediu rural pa evitar la emigración. Col sofitu d'Alemania, Reinu Uníu y la oposición d'España y Francia, la UEhttp://www.pangea.org/campanyaUE/alternatives/agricultura.phphttp://www.ruraleurope.org/pdf/DD4esp.pdfhttp://www.pangea.org/campanyaUE/documents/articles/docs/mundorural.dochttp://www.stecyl.es/foro_rural/otra_pac_020323.htm#1