"La TV autonómica nun quier entrar na valoración de la cultura asturiana al completu"

Dientro del espaciu "Asina foi..el Surdimientu" que presenta Inaciu Galán na emisopra Onda Peñes en collaboración con Asturies.com presentamos güei la entrevista col promotor musical y responsable de la Fundación cultural "Belenos" Lisardo Lombardía. Con estudiar medicina, esti protagonista de l'actividá cultural asturianista trabayó na Sociedá Fonográfica Asturiana y más tarde fundó la discográfica Fonoastur xunto col cantante de Nuberu Chus Pedro. Responsable de qu'Asturies entrare a formar parte del Festival Celta de Lorient nos años ochenta, ye dende esi momentu delegáu n'Asturies del mesmu. Miembru tamién d'otros colectivos como l'asociación Oficialidá, amás de tener fechos abondos estudios sobre la historia y la cultura d'Asturies, Lombardía devuélvenos al nacimientu del movimientu de recuperación de la música tradicional asturiana nesta entrevista.