La tresmisión baxa del coronavirus SARS-CoV-2 caltiénse estos díes

|
Vacunación ensin cita en Parque Astur

El martes rexistráronse 29 casos nuevos de COVID-19 y el miércoles la cifra baxó a 23.

La pandemia sigue estabilizándose n'Asturies, con 5 xornaes siguíes perbaxo de los 30 contaxos. Son les cantidaes más baxes dende'l branu pasáu.

A falta de la espublización de los datos oficiales, la Conseyería de Salú informó de 29 casos detectaos el martes y 23 ayeri. La tasa de positividá diaria asitióse nel 2,31 por cientu y nel 1,84 por cientu, de manera respeutiva, mentes qu'a 7 díes esti porcentaxe yera'l llunes del 3,11 por cientu –ayeri baxó al 2,74 por cientu–.

Ayeri hebo que llamenta la muerte d'una muyer de 92 años cola enfermedá causada pol coronavirus SARS-CoV-2, la 2.060 del andanciu. 50 persones tán hospitalizaes con confirmación o sospecha de COVID-19, 11 menos que'l llunes, mentes que siguen na UCI otros 20 pacientes.

5 biltos activos

Asturies informó al Ministeriu de Sanidá de la esistencia de 5 biltos activos nel periodu del 30 d'agostu al 5 de setiembre, 7 menos que la selmana pasada, con un total de 51 casos. 1 brotu detectóse estos 7 díes últimos, comunica la conseyería.

Na semeya, vacunación ensin cita en Parque Astur el xueves pasáu.

Contador Estadistiques