La tonada pierde la voz de Tonín de Nembra

Ayeri celebróse'l funeral en memoria d'Abelardo Antonio
Rodríguez, más conocio por "Tonín de Nembra", que morrió d'una
llarga enfermedá que-y vino de los sos años de trabayu nel pozu
San Antonio d'Hunosa.



"Tonín de Nembra" entamó a cantar de mozu, pero
como suel ser habitual, tardó en subíse a un escenariu. Ya nos
escenarios consiguió ganar el "VII Concursu de la canción
asturiana de Radio Uviéu"; esti premiu afaló la
grabación del primer discu xunto a Socorro Noriega. A la vuelta d'unos
años, participó nel discu "Antoloxía de la
canción ayerana", que xunto a dellos cantantes como Xaime Caleya o
Venerada Fdez., representa un perbona muestra d'esi particular estilu de la
canción asturiana que son
"les
ayeranes". Esti estilu de "les ayeranes" ye'l que más
trabayó "Tonín de Nembra"; por eso nes sos
interpretaciones rescamplen cantares como "El valle'l ríu
negro", "Nun-y lo digas a mio madre" o "Na cima'l Picu
Moros".



La canción ayerana y l'asturiana pierden una voz que marcó
un estilu, y que ye una de les fontes de les que deprienden les nueves voces de
la tonada asturiana.