La Tarrancha va tar nel XV Asturies Nun Escaez

Fruela 757 y Brutus Daughters completen el cartelu del conciertu que forma parte del Día de la Mocedá Revolucionario (DMR).

Darréu ta acabante de dar a conocer los detalles del XV Asturies Nun Escaez, eventu nacíu n'alcordanza de la revolución d'Ochobre del 34. La uvieína sala Sir Lauren's repite esti añu como sede del conciertu, nel que van tomar parte La Tarrancha y la banda punk-folk madrilana Brutus Daughters, amás de Fruela 757 cola so propuesta na qu'amiesta música electrónica con pieces tradicionales.

El preciu de les entraes ye de 5 euros, de manera anticipada, y de 8, na puerta. Próximamente van poder mercase nos siguientes puntos: La Luna y L'Esperteyu, n'Uviéu; Centru Social La Semiente, en L'Entregu; Matteria, en La Felguera; L'Abellugu, en Mieres; Diañu, en La Pola Siero; sidrería Canteli, en Xixón; y La Traviesa, en L'Infiestu, amás de pela rede nesti enllaz.

El DMR completase con una serie d'actividaes d'alderique y reflexón, entovía por confirmar, nos que van tar presentes les reivindicaciones de la mocedá asturiano p’anguaño y pal futuru.