La sociedá "La regalina" convoca una nueva edición del premiu de poesía "Fernán Coronas"

La Sociedá Cultural “La Regalina” de Cadavéu (conceyu de Valdés) tien abierta la convocatoria pal XIV premiu de poesía “Fernán Coronas” que fai alcordanza de la figura del sacerdote y escritor asturianista. Les bases apauten que los poemarios, con un mínimu de 275 versos escritos en llingua asturiana, han unviase a la sede de l’Asociación, na Cai Curión ensin númberu de Cadavéu enantes del 16 de xunetu, siempre ensin firma o firmaos con alcuñu y colos datos del autor en sobre aparte. El fallu del premiu va facese públicu’l 7 d’agostu, día de nacimientu del Padre Galo, y el trabayu ganador va recibir un premiu de 1.300 euros, amás de la publicación de los poemes.