La situación de les muyeres refuxaes y migrantes protagoniza una charra n'Avilés

|
La situación de les muyeres refuxaes y migrantes protagoniza una charra n'Avilés

Entámala la Rede EQUO Muyeres d'Asturies (RQMA) nel Palaciu de Valdecarzana.

Baxo'l títulu de 'Mujeres que se mueven: mujeres, refugio y migración', la periodista Patricia Simón, premio de l'Asociación de Mujeres de los Medios de Comunicación de España nel 2013 (AMECO) y direutora del Centro de Documentación Nohabrapazsinlasmujeres.com, sobre'l papel de les muyeres nos conflictos colombiano y palestino, va dar mañana una ponencia. Darréu van intervenir Araceli Gutiérrez, de la Red de Apoyo a Inmigrantes Africanos de Avilés; Khady Sarr, d'Africanos Asociados de Asturias; y Luz Cuadra, presidenta d'Asturias Acoge, pa depués abrir un turnu d'entrugues pa favorecer la participación del públicu.

“Les vivencies y problemátiques qu'afeuten a muyeres y neñes nun son les mesmas que les de los homes, anque esistan munchos puntos en común. Pa poder dar una respuesta efeutiva y global a esta situación d'emerxencia debemos reconocer la diversidá de perfiles. Sicasí, la referencia pa conceptualizar a les personas refuxaes suelen ser los homes mozos; al restu de la población se la invisibiliza”, afirma Eva del Fresno, miembru de la RQMA.

La ponencia, na que collabora l'asamblea llocal d'EQUO, formación que reafirma'l so compromisu "a favor de l'acoyida y la solidaridá coles víctimes que fuxen del terrorismu yiḥadista en Siria, asina como con toes aquelles que se ven obligadaes a abandonar los sos países d'orixe por mor de la violencia y la persecución", va dar comienzo a les 18 hores de mañana, con final previstu pa les 20.15 hores.

Na semeya, Simón.

Contador Estadistiques