La sidra con Denominación d’Orixe algamó en 2010 el meyor resultáu

La sidra con Denominación d’Orixe Protexida algamó en 2010 el meyor resultáu gracies al  aumentu de la producción, el númberu de llagares adscritos y los cosecheros arreyaos. Peslló l’añu con un 21,4% más de contraetiquetes.

Del 1 de xineru al 31 d'avientu de 2010 contabilizáronse 1.334.500 botelles col sellu del Conseyu Regulador, tou un finxu na hestoria de la Denominación d'Orixe, lo que supon un 21,4 % más que l'añu anterior.

Estes botelles provienen de les mazanes recoyíes y procesaes principalmente mientres l'añu 2009, yá que los frutos collechaos esta seronda tán inda nos llagares, evolucionando favorablemente.

La mayor parte de les botelles contraetiquetaes correspuenden a la sidra natural tradicional, que representa'l 93,5 % de la producción total de sidra con Denominación d'Orixe. Amás, la incorporación de dos nuevos llagares dexó la cifra final en 25 empreses inscrites.