La SGAE noma al uviedín Francisco Marcos Defensor del Usuariu y del Cliente de la organización

|

Francisco Marcos (Uviéu, 1970) va ser la primer persona qu’ocupe’l cargu de Defensor del Usuariu y del Cliente de la Sociedad General de Autores y Editores (SGAE). D’esta forma, l’organización pretende meyorar “la calidá de serviciu y la imaxe social”.
 
Marcos ye un espertu en derechu de la empresa, Doctor en Derechu pel Colegio de España en Bulagnna/Bologna (1998) y Master of Laws pola University of California en Berkeley (1995), asina como profesor d’IE Law School dende’l 2003. Amás, ente’l 2006 y el 2009 foi direutor xeneral del Servicio de Defensa de la Competencia de la Comunidad de Madrid.
 
Con esta designación, la SGAE prentende dar un serviciu a los sos asociaos y una tresparencia a les sos actividaes. La creación del Defensor del Cliente y del Usuariu naz pa “proporcionar un calce nuevu pa estrechar les sos relaciones colos usuarios del so repertoriu, nun entornu que canalice cualisquier reclamación posible y del que se puedan derivar recomendaciones del Defensor pa una meyora de la organización y de les actuaciones de la SGAE, reduciendo en consecuencia los pleitos”, señalen dende la organización.

Contador Estadistiques