La SEPI nun va permitir despidos en Duro ensin un alcuerdu colos trabayadores

|
María Belén Gualda

Confirmólo la presidenta María Belén Gualda na Comisión de Presupuestos del Congresu.

L'Espediente de Regulación d'Emplegu (ERE) pretendíu por Duro Felguera atopa'l frenu de la Sociedá Estatal de Participaciones Industriales (SEPI), que xestiona'l Fondu d'Apoyu a la Solvencia d'Empreses Estratéxiques que rescató a la empresa con préstamos por 120 millones d'euros, ente ellos ún participativu de 30 millones, a los qu'hai que sumar 6 millones del Gobiernu d'Asturies. Nun van permitise axustes llaborales ensin un alcuerdu ente la direición y los trabayadores, aseguró Gualda na Comisión de Presupuestos a entrugues de los diputaos Sofía Fernández Castañón (Podemos) y Isidro Martínez Oblanca (Foro).

La intención del grupu empresarial ye despidir a 208 emplegaos por fases hasta'l 2024 n'Asturies, amás d'a 40 de fuera del país, un movimientu que los sindicatos consideren "inaceptable". La escusa ye caltener la viabilidá de la empresa.

Na semeya, Gualda.

Contador Estadistiques