La selmana de les lletres llega a La Felguera

El Teatru Nuevu de La Felguera atecha esta tarde los actos de la Selmana de les lletres asturianes en Llangréu, qu'entamen a les 19:30 col recital de poesía llangreana nel que van participar Lluis Xabel Álvarez "Texuca", Xurde Álvarez, Elvira Laruelo, Pablo Antón Marín Estrada y Helena Trejo Fombella. Yolanda Magdalena Montes, responsable del Área de Política Llingüística del Conceyu, va presentar esti actu, viniendo darréu d'ello uin homenaxe al poeta de Ciañu "Manfer de la Llera" desapaecíu de recién y del que van lleer poemes y testos representantes de les tres fuerces polítiques del Conceyu, con Xandru López, portavoz d'Izquierda Xunida/Bloque por Asturiesy coordinador d'I.X. Nalón; M. Carmen Suárez,conceyala del Partíu Popular y secretaria de Nueves Xeneraciones de Llangréu y l'alcaldesa de Llangréu Mª Esther Díaz.

La poesía va dexá-y el sitiu dempués a la música, entamando darréu un espectáculu musical n'homenaxe a Eduardo Martínez Torner a cargu d'Anabel Santiago, Alberto Varillas, María
Álvarez, Manuel Cordero y Michael Lee Wolfe; miembros de la Compañía Asturiana d'Espectáculos colos hermanos Valle Roso. L'espertu n'Eduardo Torner Ismael Mª Gónzalez Arias presenta esti espectáculu musical.
El preciu de les entraes ye de trés euros.