La selección asturiana entrénase col Marino

La selección asturiana de fútbol que ta xugando la Copa UEFA de rexones europees va xugar a les cinco y media d'esta tarde en Miramar contra'l Marino de Lluanco en partíu de preparación pal alcuentru que va tener el 7 de mayu nesti mesmu estadiu lluanquín a les 18:30h contra Bohemia Central (República Checa). El seleccionador Baragaño recupera pa esti partíu al caudalista Mini.

Otamiente, la Selección d'Asturies sub 16 ganó a la de les Illes Balears por 2-1 en partíu aplazáu del Campeonatu Nacional de Selecciones Autonómiques Sub 16 que se xugó esta mañana nos campos de la Escuela de Fútbol de Mareo (Xixón). La sub-16 clasifícase con esti trunfu pa la Fase Final del campeonatu xunta la Selección Sub 18, siendo'l segundu añu consecutivu en que dambos combinaos son a llegar a esta fase de la competición