La Revolución d'Ochobre y lleendes de viquingos pa conocer Uviéu y Cuideiru n'asturianu

|
Ruta de la Revolución d'Ochobre de 1934 de Ser Asturianu

La empresa de turismu Ser Asturianu entama salíes guiaes esta fin de selmana.

Tres poner el sábadu pasáu una 'Ruta de la Revolución d'Ochobre de 1934', esti vienres la xente interesao en conocer Uviéu a traviés d'esti importante fechu históricu van tener otra oportunidá. Denis Soria va repetir el vienres a les 18 hores con esti itinerario con tanta demanda.

Al día siguiente, a les 11.30 hores, el guía oficial organiza una salida en Cuideiru baxo'l nome 'Pixuatos & Viquingos'. Nella va percorrer el llugar esplicando dalgunes de les lleendes esistentes sobre'l pasu d'esti pueblu guerreru en tiempos del Reinu d'Asturies.

El preciu pa participar en caúna de les rutes turístiques ye de 10 euros, de baldre pa los menores acompañaos. P'acutar plaza ye necesario contautar con Ser Asturianu al traviés del corréu electrónicu infoserasturianu@gmail.com o del númberu de teléfonu 626.221.712.

Na semeya, un momentu d'una 'Ruta de la Revolución d'Ochobre de 1934' nel so pasu pel Edificiu Históricu de la Universidá d'Uviéu.

Contador Estadistiques