La puerte pel que se metieron los romanos

El campamentu romanu de la Carisa, emperiocotáu a más de 1.700 metros sobre'l nivel de la mar en conceyu Pola L.lena, foi la instalación militar a mayor altura del imperiu, y tamién foi el puerte pel que l'exércitu romanu entró a Asturies a últimos del sieglu I A.C depués de decatase de que yera dificil metese pelos valles. Anque se sabe de va tiempu de la so esistencia, l'allugamientu especial d'esti estratéxicu castru romanu desde'l que se controla media Asturies y que llegó a atechar más de 5.000 soldaos nun pudo escarbase en condiciones hasta agora, en que con un presupuestu de más de 120.000 euros va entamar un difícil llabor pa conocer un castru que tuvo ocupáu pocu tiempu pero que ye una de les claves pa conocer el desarrollu de la guerra ente l'imperiu y les tribus tresmontanes.

Los arquélogos Jorge Camino (arqueólogu oficial de la Conseyería de Cultura) Rogelio Estrada y Yolanda Viniegra encabecen un equipu qu'a lo llargo de tou esti veranu y el del añu qu'entra, van llevar dos campañes decisives pa conocer l'auténtica dimensión d'esti cuartel de montaña. Precisamente son estos tres especialistes los que va dos años, con motivu del llevantamientu de la carta arqueolóxica del Conceyu de La Pola L.lena escribieron pa la revista Belenos esti artículu que güei reproducimos y nel que yá daben idega del potencial y interés históricu del campamentu.