La prueba asturiana del Red Bull Home Run llega a Fontes d’Iviernu

Per segundu añu, Fontes d’Iviernu va acoyer el Red Bull Home Run. Esta prueba, que combina práutica deportiva con espectáculu, va celebrase’l sábadu y va contar cola participación de 300 esquiadores y snowboarders.

Esta modalidá, que tien el so orixe en Suecia, principia con una carrera de 100 metros sobre la nieve hasta’l puntu onde van tar asitiaos los esquís y les tables. Los primeros en llegar tendrán ventaya nel descensu, con un ganador en caúna de les categoríes. Al tar la prueba destinada a la diversión y l’espectáculu, tamién va recibir una recompensa’l participante que lleve’l disfraz más orixinal.

El Red Bull Home Run ta abiertu a homes y muyeres mayores de 16 años –los menores d’edá han de tener permisu parental– qu’alquieran el forfait nel día de la competición. Hai 200 places disponibles na web de la prueba, pero se reserven 100 pal mesmu sábadu, disponibles dende’l meudía en Fontes d’Iviernu. La cita asturiana ye la segunda del calendariu estatal d’esta prueba con paraes tamién en Suecia, Noruega y Andorra.