La princesa y los falanxistes

L'internauta mediu yá ta avezau a que dacuando, al tecliar el nome de daqué persona famosa nel navegador d'internet y da-y al enter acabe llegando a una web con conteníos pornográficos, pero muncho más difícil de ver ye'l casu que traenmos güei a esta sección. Ello foi que, de la que s'anunció la boda ente'l Príncipe d'Asturies y la presentadora del parte de TVE-1 Letizia Ortiz, hebo un garapiellu de "ciberocupes" que mercaron, en menos de 24 hores, tolos dominios rellacionaos col nome de la futura princesa. El casu ye qu'un d'estos "ciberocupes" foi l'agrupación política Falange Vasca, un grupu heriede de les esencies de José Antonio que redirecciona a la so páxina dende'l real dominiu www.letiziaortizrocasolano.org