La prensa estatal faise de pagu

La edición electrónica del diariu madrileñu "El País" , el de mayor tirada en papel de tol estáu y tamién el que más visites tien na rede, va ser de pagu dende la selmana qu'entra. El diariu de bandera del grupu Prisa sigue-y asina los pasos al periódicu de la competencia, El Mundo, que dende mediaos d'ochobre tamién ye de pagu. Sicasí, el periódicu que dirixe J.L. Cebrián va afondar más na política de pagar por ver que'l diariu del grupu Recoletos. Mientres El Mundo tien de pagu namás lo que ye la copia de la versión en papel, y dexa entrar gratis a otros especiales y a les actualizaciones d'última hora que van poniendo a lo llargo'l día, El País ye'l primeru n'atrévese a ser de pagu dafechu, un cambéu radical que nengún periódicu de gran tirada nel mundu entero s'atreviere a facer.