La plataforma pola Defensa de Corvera denuncia la tala d’árboles autóctonos

La Plataforma pola Defensa del Patrimoniu Cultural de Corvera (PDPCC) denunció lo que calificó de "tala xabaz" de viesca autóctono na zona onde va construyise'l residencial "Los Balagares" en Truyés. La PDPCC, que nun descarta facer movilizaciones, diz que nun entiende por qué tan tronzándose árboles autóctonos, dellos protexíos, cuando entovía nun se procedió a aprebar definitivamente l'estudiu de protección de la zona , que ta en periodu d'alegaciones. La plataforma carga contra l'equipu de gobiernu del conceyu, qu'igüen los partíos USPC y PP al qu'acusa de nun responsabilizase de lo que ta asocediendo y diz que de bien poco valen les campañes de sensibilización mediuambiental cuando'l responsable de les mesmes ignora o nun pide responsabilidaes a los responsables de la perda d'estos árboles centenarios.