La pita tuvo ellí

Esti fin de selmana, el Partíu Socialista d'España celebró n'Uviéu una xunta estraordinaria pa decidir que llinia política van defender nel mediu rural con vistes a les elecciones estatales del 2004. Cola presencia de bien de líderes autonómicos socialistes y del candidatu pol partíu a la presidencia José Luis Rodríguez Zapatero, al conceyu nun podía faltar el presidente autonómicu Vicente Alberto Álvarez Areces, al que, otra vez más, acompañó la Pita de la Xunta Pola Defensa de la Llingua Asturiana, un animal con alma de persona que prometió que diba acompañar al presidente pa protestar pola situación del asturianu en cuantos actos oficiales pudiere dir. De momentu ta cumpliendo l'avisu.