La pelota de Medem llega a los cines asturianos

Con dos meses de retrasu sobre'l restu del estáu, los cines asturianos estrenen güei el documental de Julio Medem "La pelota vasca". El filme, que ye una riestra d'entrevistes con protagonistes del conflictu vascu de tolos pa los políticos posibles, protagonizó un espolín bien grande cuando la so estrena en Festival de Donostia, recibiendo acusaciones de tendenciosa y parcial. El director defendiose d'estes acusaciones y declaró que na película hubo muncha xente que nun salió porque nun quixeron apaecer nella y que dellos políticos y cargos públicos taben echando pel documental ensin velu.

Aparte de la cinta de Medem, la selmana rexistra tamién les estrenes de les películes españoles "Excusas" y "los abajo firmantes", la película de terror xaponesa "la maldición" y el filme d'acción chinu "Hero" protagonizáu pol famosu Jet Li. Los horarios y les fiches técniques d'estes y toles demás películes que puen vese nes pantalles del país puen consultase na cartelera de cine d'Asturiactiva