La padres nuevos esti 2023 yá pueden solicitar l'ayuda de 1.200 euros

Pa los non primerizos la cuantía aumenta hasta los 1.700 euros por fíu, mentes que los proxenitores en conceyos en riesgu de despoblamientu van recibir 2.200.

El Boletín Oficial del Principáu d'Asturies (BOPA) de güei espubliza la convocatoria d'ayudes pol nacimientu y adopción, que se van poder solicitar a partir de mañana. Tienen derechu a ella les persones que sían padres esti 2023 y cumplan colos requisitos de renta y plazos d'empadronamientu, con un tiempu de dos meses pa reclamala dende la fecha de nacencia, cola esceición de los d'avientu, que namái van poder facelo hasta'l 31 de xineru del 2024.

Nel casu de los que nacieron estos meses, los 60 díes van entamar a contar dende agora. Les perres que van recibir los padres son 1.200 euros por fíu nel casu de que sía'l primeru, 200 euros más que l'añu pasáu, y 1.700 si yá cuenten con hermanos.

La cantidá aumenta hasta los 2.200 pa los que lleguen a la vida en conceyos con riesgu de despoblamientu. Estes ayudes, que s'amplíen tamién a les adopciones, formen parte del plan de midíes del Gobiernu p'afrontar el retu demográficu.