La ONU encamienta la "independencia vixilada" pa Kosovo

El mediador de les Naciones Uníes en Kosovo, Martti Ahtisaari, va proponer como "única opción viable" pa la provincia de Kosovo la so independencia baxo supervisión internacional. Según esplica'l diariu francés Le Monde, que tuvo accesu al documentu, la propuesta que va unviar Ahtisarii esti llunes al Conseyu de Seguridá de la ONU, amplía la declaración prevista nel borrador primeru, que falaba d'un réxime de "soberanía vixilada" un réxime propuestu pol mediador y sobre'l que les dos partes implicaes nun foron a ponese d'alcuerdu al fracasar les negociaciones. L'informe diz que la reintegración de Kosovo en Sèrbia ye "una opción poco viable". L'estatus de la población serbio de Kosovo tendría como encontu llegal una autonomía dientro d'un país independiente con constitución y instituciones propies.

Nel añu 2006 entamaron los contactos pa decidir el futuru políticu d'esti teritoriu del que la OTAN forzó a Serbia con un ataque militar a retirase nel añu 1999. Kosovo, con una estensión asemeyada a la d'Asturies y con una población de cerca de 2 millones d'habitantes, alcuéntrase dende entós nún estáu d'indefinición política como provincia autónoma baxo mandatu de la ONU. La solución pa Kosovo, aplazada yá delles vegaes, pasa por ser un Estáu independiente o por amestase como provincia en Serbia o n'Albania.