La Oficina de Normalización Llingüística de Xixón convoca una beca d’un añu nes sos instalaciones

El plazu pa presentar solicitúes acaba'l 31 de marzu.

La persona becada va recibir formación especializao pa la torna al asturianu y el desenvolvimientu d'actividaes y campañes de normalización de la llingua asturiana, pa la Oficina de Normalización Llingüística de la Fundación Municipal de Cultura, Educación y Universidá Popular de Xixón. La convocatoria ta empobinada a facilitar la formación especializao de persones con titulación de Grau, Llicenciatura o Diplomatura universitaria y ta dotada con 9.622,92 €, repartíos en 12 mensualidaes.

Pa poder presentase hai que tar en posesión del Títulu de Grau o equivalente, y amás, tener a lo menos unu de los certificaos que vienen darreu: Títulu d’Espertu/a o Especialista Universitariu/a en Filoloxía Asturiana, el Títulu de Grau de Maestru/a con Mención en Llingua Asturiana, el Títulu de Grau en Filoloxía con Minor d’Asturianu, o’l Títulu de B2 o C1 d’asturianu.

La formación va empobinada a la collaboración nel diseñu, planificación, siguimientu y execución de programes, actividaes y campañes de promoción y normalización del asturianu, a la torna y corrección de documentos al asturianu y la participación na actualización de conteníu y caltenimientu de la páxina web y redes sociales de la Oficina. Y va ser de 30 hores selmanales, que van desarrollase en 6 hores diaries, coincidiendo col horariu de funcionamientu del Serviciu.

La beca va poder prorrogase, por un periodu d’un añu. La incorporación de la persona becada ta prevista pal mes de mayu de 2022. Pa más información, pue consultase’l tablón d’edictos de la Sede Electrónica del Conceyu de Xixón, equí.