La Oficina de normalización de Xixón presentó un xuegu pa escolares

L'Institutu de Secundaria de Roces foi l'escenariu pa la presentación ayeri d'un xuegu de rol que quier avezar a los estudiantes de doce años en p'alantre a desenvolvese en situaciones cotidianes nel usu del asturianu.

"Saca la llingua" ye'l nome d'esti xuegu qu'ayeri ensayaron cerca d'ochenta estudiantes del IES de Roces. Con una dinámica cenciella basada na suma y resta de puntos según los estudiantes sean a espresase con más o menos soltura n'asturianu a entrugues de distintu tipu, el xuegu articúlase en grupos de cuatro xugadores, y pretende que los mozos y moces pierdan l'apuru que-yos da munches veces l'usu del asturianu na vida real, pa lo que van repartise caxes colos materiales del xuegu per tolos centos educativos del conceyu . La conceyala de Educación Carmen Rúa, el director de la Oficina de Política Llingüística Ramón D'Andrés, la responsable de la Oficina Municipal de la Llingua María Xosé Rodríguez y la creadora del xuegu, la profesora María Ángeles García Rodríguez tuvieron nel actu de presentación.