La nueva rede de caminos rurales comunica más de 7.000 poblaciones

El director de Política Forestal, Joaquín Arce, presentó esti martes los primeros resultaos d'un proyectu d'investigación y desarrollu sobre caminos rurales n'Asturies, una rede que comunica a más de 7.000 poblaciones.

El director de Política Forestal, Joaquín Arce, presentó esti martes los primeros resultaos d'un proyectu d'investigación y desarrollu sobre caminos rurales n'Asturies, una rede que comunica a más de 7.000 poblaciones.
Joaquín Arce, xunto col Alcalde de Morcín, Jesús Álvarez Barbao, y el director del Centru de Cooperación y Desarrollu Territorial de la Universidá d'Uviéu (Cecodet), Fermín Rodríguez, dio a conocer esta rede de movilidá rural, que comunica a 2.000 llugares, 2.200 aldees y 2.500 caseríes ente sí, y a éstes colos sos praos, morteres y coles villes que-yos proveen servicios.
  
Nel 2009, la dirección xeneral de Política Forestal encargó al Cecodet de la Universidá d'Uviéu abrir una nueva llinia d'investigación pa meyorar la funcionalidá de los caminos rurales d'Asturies y la so integración nel paisaxe.
 
Los primeros resultaos d'esa investigación recuéyense nel trabayu 'Encamientos pa la intervención en víes de paisaxe'. El proyectu constitúi un primer pasu hacia una xestión de los caminos rurales d'usu rodáu capaz d'harmonizar la so funcionalidá cola so integración nel paisaxe y el desarrollu sostenible.
  
Trátase d'una guía d'encamientos pal diseñu, construcción y xestión de los caminos rurales d'Asturies, que tien por oxetivu entamar el trabayu y el debate pa meyorar la integración de los caminos nel paisaxe, acortando'l so impactu, pero siempre n'harmonía con otros oxetivos, como'l caltenimientu de la so funcionalidá. 
  
L'estudiu define una tipoloxía de víes, que toma la práctica totalidá de los caminos rodaos asturianos, en función del usu predominante, considerando cuatro categoríes de caminos: d'accesu, agroganaderos, forestales y de recréu. A partir d'esta clasificación plantégense unos encamientos qu'afecten a trazar de los caminos. Coles mesmes, faise recálcase nes pendientes, ún de los aspectos críticos de los nuesos caminos.
  
Coles obres de meyora d'infraestructures rurales y forestales, obsérvense n'Asturies más de 80 kilómetros de caminos rurales principales d'accesu a núcleos o viviendes, unos 60 kilómetros de caminos de concentración parcelaria y accesu a praos, y unos 600 kilómetros de pistes forestales, según el Gobiernu del Principáu.
  
Los caminos valen de salida, d'entrada y pa poder realizar les actividaes productives. Al traviés d'estes sendes, los habitantes del mediu rural puen realizar les sos actividaes productives del día a día, como la ganadería, la xestión forestal y l'agricultura. Pelos caminos salen los productos que'l mediu rural produz.