La nueche de difuntos, vista por Alberto Álvarez Peña

Esti martes día 1 de payares celébrase'l día de difuntos, adaptación cristiana de fiestes que vienen de muncho más vieyo. La nueche del 31 d'ochobre, bien de cultures de la europa precristiana celebraben l'aniciu del solsticiu, que marcaba'l tránsitu al añu nuevu pa munches d'elles. La cercanía del inviernu daba tiempu tamién p'alcordase de los ausentes, que dacuando manifestábense a los vivos, como asocedía n'Asturies cola visita de la Güestia, procesión d'animes de difuntos qu'alvertíen a los que diben morrer que la muerte diba venir bien ceo por ellos. Al rau d'esta y otres tradiciones, esti llunes, nel chigre "La Casa posafuelles" que xestiona n'Uviéu la Xunta Pola Defensa de la Llingua, l'investigador, dibuxante y etnógrafu Alberto Álvarez Peña va afondar nos vezos asturianos de la nueche de difuntos. Ello va ser nuna charra que va entamar a les 9 de la nueche y que va seguise d'un conciertu del tríu DRD nel que van sentise los cantares del so primer discu "namái".