La necropsia al faisán de Mumián descubre que l’animal taba mancáu

La Dirección Xeneral de Mediu Ambiente dio ayeri los primeros informes de la necropsia al Faisán Montés de la Braña Mumián. Confirmando les sospeches más negatives d'aficionaos a la ornitoloxía y biólogos qu'estos díes se manifestaren al respective, la necropsia fecha nel Llaboratoriu de Sanidá Animal de Xove diz que l'estrés que pasó l'animal o un fallu de los que lu trataron pudieron causá-y un dañu físicu, en cuantes que presentaba lesiones musculares.

Anque dende la Viceconseyería nun quieren marcase sobre la causa de la muerte del animal, dicen que lo que se fizo siguió en tou momentu lo que manda'l protocolu sobre la especie, y esclarió que'l procesu pol que se mandaron col animal ye'l mesmu pol que se mandaron notros casos asemeyaos con dos faisanes montesos n'Ayande y otru en L.lena nos que tamién se sacó a los animaesl del llugar onde taben asitaos. Otramiente, la viceconseyera de Mediu Ambiente dixo qu'estos díes atopáronse restos de plumes y güelgues polos que se conoz qu'hai otru faisan montés per Mumián cerca d'au s'atopó al exemplar que foi noticia estos díes.