La mocedá emigrante asturiano aconceya en Mendoza

Luis Miguel Fernández Romero, Director de l'Axencia Asturiana d'Emigración, Pablo Prieto del Conseyu de la Mocedá del Principáu d'Asturies y representantes de la asociación "Les Filanderes" asistieron esta mañana a la presentación del I Alcuentru de Mocedá pola Asturianía d'América, que va desarrollase los díes del 20 al 24 de xineru en Mendoza (Arxentina)


Esti Primer Alcuentru de Mocedá pola Asturianía d'América ta organizáu pol Centru Asturianu de Mendoza (Arxentina) y nelli van participar 100 mozos d'ente 15 y 30 años de tolos Centros Asturianos de Sudamérica, amás d'una delegación de persones que van viaxar dende Asturies pa debatir sobre'l relevu xeneracional na comunidá asturiana emigrante de segunda y tercer xeneración, conocer les sos propuestes y reflexones y ponelos tamién en conocimientu de la situación de la mocedá asturiano.

Nel alcuentru va haber debates, grupos de trabayu y propuestes en delles árees de trabayu, dende la problemática del relevu xeneracional na comunidá emigrante hasta la cultura tradicional asturiana, aprovechándose la ocasión pa entregar tamién el premiu lliterariu que da l'asociación "Les Filanderes" nel Centru Asturianu de Valparaíso (Chile).