La mocedá asturiano nun tien interés na política

L'Institutu Asturianu de la Mocedá presentó ayeri un estudiu que va formar parte del 'Informe de la Mocedá 2008-2011" un estudiu a cuatro años de plazu qu'entama agora y pal que tolos materiales van facese n'edición billingüe castellana y asturiana. Acordies colos adtos del Institutu, el 46,8 por cientu de la mocedá asturiano ente 15 y 29 años nun tien interés nengún en política, mientres qu'un 19,4% por cientu muestren "bastante o munchu interés". La conseyera de Cultura y Turismu, Encarnación Rodríguez Cañas, nun duldó en calificar el datu de "mui baxu".

Sobre l'asitiamientu de les sos idees, el 35,6 por cientu de la mocedá definióse como de centru, declarándose de centru-izquierda'l 21,6 por cientu, un 7,6 por cientu vencéyase centru-derecha, el 14,7 d'izquierda y un 1,7 de derecha .

El mesmu informe espeya como'l 42,6 por cientu de la mocedá asturiana llee a diario la prensa, especialmente los que viven en conceyos de menos de 2.000 habitantes, con edaá ente 25 y 29 años y que son de clas media-alta. La conseyera sorrayó que la xente mozo llee más prensa de lo que se contaba, rescamplando la importancia que tien la prensa dixital pa esti públicu.