La llocalización de campamentos romanos protagoniza un seminariu

Participa Andrés Menéndez Blanco.

L'arqueólogu de la Universidá d'Uvieú va encargase xunto colos sos colegues José M. Costa García (Universidade de Santiago de Compostela) y David González Álvarez (Universidad Complutense de Madrid) de presentar un proyeuto d'investigación sobre la presencia militar romana en el Noroeste ibérico nel seminariu 'Arqueología del ejército romano en el Noroeste hispánico: métodos innovadores para la investigación y socialización de un patrimonio emergente'. Ésti va celebrase de magar les 19.30 hores nel salón d'actos del Muséu Arqueolóxicu d'Asturies, con entrada llibre.

A primeros de sieglu namái se conocía un campamentu romanu n'Asturies, el del Monte Currieḷḷos, pero esti equipu de trabayu conformáu tamién por investigadores de diferentes disciplines d'Asturies, Galicia y Portugal, sitúa por encima de la ventena la rellación d'esti tipu d'enclaves lexonarios. Estos descubrimientos recientes tressformen la imaxe del procesu de conquista y romanización del Noroeste ibérico y abre llinies nueves de trabayu pa los equipos arqueolóxicos.